آمنة الفضل تكتب : يا ربي عبرنا ونحن نايمين!!..

الخرطوم :مرايا برس

مرايا برس

قصاصات… آمنة الفضل

كل القروبات الكانت قبل سنتين تهيم حبا في تحقيق العدالة الاجتماعية والتنمية، و هاشتاقات الأزمات النمطية صحة وتعليم ووضع اليم وقرفنا وفترنا وجعنا وعطشنا تحولت بقدرة قادر إلى قروبات أكل وشراب ولبس وطرب و دهب وعفش وترفيه وتطبيل..
والأغرب من كدا انو الان تحديدا السودان غارق في الجوع والمرض والفقر وانعدام أدنى سبل الحياة.. وناس طلع الفجر علينا لاحس لا خبر ..
يكون ياربي وصلنا مرحلة الرفاهية ونحنا ماحاسين..
ولا نكون في الجنة ونحنا ماعارفين..
ياربي عبرنا ونحنا نايمين..

♦️قصاصة أخيرة….
يلعبوا على ألف حبل
يرفعوا فينا الخسيس
يدوشوا العالم بطبل
يعملوا الخاين رئيس
يعلنوا صفقة فسادهم
يسندوا على حيطة مايلة
كل أنظمة العمالة
للسقوط لابد آيله

” أحمد حمدي إبراهيم “

تعليقات
Loading...