أبو المواهب أمين مكي يكتب:الويك إند.

ود اختي عربيه زي حبوبتي الرطانية بطلع بكلمة والباقي بفسرو بالألماني زي ماداير مشيت ليهم زيارة يومين و ما كان عندي مزاج اطلع من البيت قاعد في الصالون و هو قاعد بلعب في البلي استيشن اختي جاتني و قالت لي دايرين نمشي ناس فلانه صحبتها بس المشكلة راجلها زعاط و بستلمك في موضوع واحد عن تلفونو و آخر موديل اشتراه شنو و فيه شنو و بعمل شنو ..يعني بوديك و يجيبك في التلفون و انا الموضوع دا ما بخارج معاي ..قمت قلت ليها يااخي ابوهم دا هطلة و معاط وزعاط بصدع بي انا ما ماشي معاكم ..المهم مشوا براهم مع زوجها و الاولاد و خلوني في البيت .. قومي يا المراة اسالي اختي وين اخوك ما قلتي جاء من السفر يقضي الويك إند معاكم ما جبتيه يتغدى.. تقوم انت يا الشقي طوالي تلفح الكلام وتقول ليها خالي قال أبوكم هطلة و بزعط شعر الناس و بمعطهم لمن يصدعوا و هو حالق جديد ابا يجي غايتو لي حسه المراة قاطعاه ناشف مع أختي.