الرفيع بشير الشفيع يكتب : يا جماعة ما تظلموا إبليس ساكت.

أحد الزملاء في قروب مجاور بعد أن سمع “محمد” “جلال”، “هاشم” في احدى تسجيلاته في الفيديو يشيطن الناس ويفترض العلمانية على السودان وإلا فإنهم في “مؤتمر كوش” سيرفعون السلاح الذي لم يرفعوه بعد، وفي رواية اخرى له يقول ( اذا لم تطبق العلمانية حنفرتق السودان دا طوبة طوبة) والزميل يعلق على ذلك ويقول ( مرات بجيني إحساس انو الزول دا ابليس ذاتو)
فقلت له ، والله يا اخ ظلمت ابليس ظلما عظيما، يا أخ ابليس المسكين دا يوم وااااااحد لبسلو بدلة وجاء قعد قدامك بشكل ولسان ولون سوداني وقال ليك انحنا في مؤتمر كوش لسة ما رفعنا السلاح ؟وإذا ما طبقت العلمانية سنرفعه؟ عارف مؤتمر كوش دا شنو؟ يعني إرجاع السودان في تاريخه وثقافته لما قبل الأديان السماوية وايام الفراعنة، وما دام هذا الرجل الذي يتقاصر عنه ابليس يطالب بالعلمانية فمن المؤكد لو حضر الخلاف بين فرعون العلماني وسيدنا موسى الرسول الرباني المتدين بالعهد ( التوارة، الدين) الذي انزل عليه ، فمنطقيا اذا حضره هذا اللعنة التي تسمى محمد جلال هاشم ، لساند فرعون.
وهذا الرجل الإلحادي ، ابليس لا يشبهه في شيء، رغم أنه عصى الله وساهم في اخراجنا من الجنة ، لأن الأباليس والشياطين كانوا يخدمون سليمان ( يَعْمَلُونَ لَهُۥ مَا يَشَآءُ مِن مَّحَٰرِيبَ وَتَمَٰثِيلَ وَجِفَانٍۢ كَٱلْجَوَابِ وَقُدُورٍۢ رَّاسِيَٰتٍ ۚ ٱعْمَلُوٓاْ ءَالَ دَاوُۥدَ شُكْرًا ۚ وَقَلِيلٌ مِّنْ عِبَادِىَ ٱلشَّكُورُ)، لكن هذا المارد البشري الملحد يقول في احدى مداخلاته في قروب (تاريخ السودان القديم)، أن وجود سليمان نفسه (غير مثبت تاريخيا )، ياخ هل يوم واااحد سمعت ابليس المسكين دا ، قال الكلام دا؟
يا اخ المارد دا شيطن الحلو نفسه والحلو كما سمعنا عنه من أسرة متدينة جدا وهو راجل خلوق ومتدين قبل تتم شيطنته كما أخبرني احد زملاءه كان معه في داخلية واحدة ايام الدراسة، لكن هذا المارد وامثاله من شياطين الإنس هو من شيطن الحلو وجعله يطالب بالعلمانية ، ياخ يوم وااحد سمعت ليك شيطان او شفته لابس بدلة وخاتي قدامه كباية شاي وبحارب الله والدين كدا ، ياخ الشيطان رغم معصيته يخاطب الله ب ( وعزتك وجلالك لأغوينهم أجمعين ) يا اخي انت يوم واااحد سمعت من يسمى محمد ( جلال دا) قال لربه وعزتك و(جلالك)، سمعتوا يوم واحد بدأ ببسم الله ، وقد مسحها هو وأشباهه من كل العقود بينهم وبين الموقعين معهم من الحكومة مثل ما رفضها المشركون مع رسول الله صلى الله عليه وسلم؟ الزول دا اسمه محمد على رسول الرحمة الذي اتى بالقوانين الدينية نفسها هل سمعت المارد دا يوم واحد بحترم اسمه وهو يخرج من الإسلام كما يخرج السهم من الرمية؟
شفت ليك يوم واااحد ولا سمعت ليك شيطان لبس ليه عمة وجلابية ووقف بأعلى صوته يقول لو ما طبقت العلمانية نحن حنفرتق السودان دا طوبة طوبة؟
يا اخي الجن قالت عن القرآن الذي اتى بالقوانيين الدينية نفسها ورفض العلمانية والشرك والإلحاد قالوا ( إنا سمعنا قرآنا عجبا ، يهدي إلى الرشد فآمنا به ولن نشرك بربنا أحدا ) وقالوا ( وإنا منا الصالحون ومنا دون ذلك كنا طرائق قددا)، هل سمعت ليك يوم واااحد جان قعد امام مجموعة من السودانيين يشيطنهم ويخرجهم من الملة؟
يا جماعة ما تظلموا أبليس ساكت!!!