سامي مسيك يكتب :اختار الصاحب الطموح وليس الفاشل.

الخرطوم :مرايا برس

في ناس بتلخبط بين الرضا والإستسلام، بين الطمع والطموح، ديل هم نفس الناس البحكمو على الزول العندو قروش انو حرامي .
بيلاقوني دائما في التعليقات على البوستات البحكي فيها قصة تخصني او تخص اي شخص عمل حاجة ونجح فيها .
بيقولو ليك اكيد في زول وراهو ، اكيد اهلك دفعو ليك ، اكيد كان عندك علاقة بالحكومة.
نفس الناس ديل لمن تحكي ليهم انك عايز تعمل حاجة يقولو ليك ، عندنا صاحبنا حاول يعمل نفس الحاجة دي ، بس فشل ، ناس الحكومة عارضوهو ، لا لا ما بتقدر تعملا، محتاج ليك راس مال كبير ، بيطلعو ليك الف سبب ديني اقتصادي فكري مجتمعي يمنعك تعمل الحاجة دي .
اذا بنصحك بحاجة او شخص من الفئة دي في حياتو حاول تخلي علاقتك بيهو محدودة جدا ، مهما كان ظريف ووناس ومضحك لانو ح يوديك لي ورا ، ح يشوف طموحك طمع في حق غيرك ، نجاحك سبب في فشل ناس تانية.
العلاقات اكبر سبب في تغيير مجري حياتك ، الصاحب الطموح بيعليك مراتب والفاشل بيسحبك للقاع .
شكرا للمحيط الحولي فردا فردا.

تعليقات
Loading...